其實人生有好多事情都係突如其來的，是我們根本意想不到的

完全想像不到
今天很開心的和我那些好可愛的同學一起行街的之後
一開電腦就收到一個咁悲痛，咁震驚咁消息

呢個消息可能重會比當年收到Mr.Ng o既消息更加令我心痛
Mr.Ng 係離開前依然對人生充滿熱誠，依然好努力咁活着
但係有咩事情，會令一個青少年對人生感到絶望
有咩事情，會令佢失去繼續活下去的勇氣
有咩事情，會令佢令願一個人默默離開，都唔願意面對問題
對佢，除咗傷心，更多o既係痛心
點解連死亡都敢面對，但係就唔敢係逆境裡面尋求個一絲o既希望
人冇可能幾時都對任何事情滿懷信心
但咁唔代表呢個人生o既迷宮係冇出口呀
重有咁長o既人生，點解咁快就話要放棄呀
全個迷宮o既地圖都只係出咗一小部分
可能個出口係係地圖o既另一邊呢
點解會冇勇氣繼續走落去呀

當然，其實無人知道事情因由係咩
作為一個外人，我亦都無必要去了解事實o既真相
唯一要知道o既，
就係佢o既離開，令我上咗寶貴o既一課
雖然呢一課，對我，同對好多佢愛o既，同愛佢o既人痛心疾首

佢令我知道，要care一個人，唔係每日傾幾句就算
而係要深入咁去了解一個人多種唔同o既性格
係人前開朗活潑o既人，可能係做人處事方面好悲觀，好容易鑽牛角尖;
真正關心一個人，係佢需要o既時候唔好離開
佢可能係你最疲倦，最唔想理任何事o既時候叫住你
但請唔好離開佢，因為呢個可能係佢最需要你係佢身邊o既時候;
珍惜身邊o既人，個天往往係大家最唔為意o既時候偷偷帶走佢o地
係面對未知o既未來o既同時，多d 抱抱身邊o既人
多d表達對佢o地o既關懷，係有限o既時光裡面好好愛惜佢o地

"love and care" ，老實講，真係一個好"娘"o既句子
但係呢句句子正正就係人活係世上o既動力來源
每個人都需要其他人o既愛同關懷，先會有勇氣同信心走完呢條咁多難關，咁多障礙o既迷宮
如果只得一個人，好容易就會迷路，然後就會選擇放棄
放低自己、抱抱隔離 ，講好似好簡單，但係真係唔係咁易做到

好多過咗去o既野唔可以再返轉頭
佢令我知到愛一樣野，原來可以為咗佢已放棄所有野
但係可惜o既係，個樣野o既能力仲未大到可以將佢拉返o黎
所以我o地可以做o既，
就係連佢個分努力加埋去，將佢所愛o既努力經營落去
今日個樣野救唔到佢，但他日當遇到同樣處境，佢有能力去救個d 迷失o既人

多謝你令我從失去中學習，多謝你為我o地上o既，最後一堂寶貴o既課
多謝
請安息吧